苏州“闲话”来哉 || 聊聊《浮生六记》里的苏州
文学作品中的苏州,不止有姑苏城外的寒山寺。古往今来,每一位扎根或经过苏州的文人墨客,作品中都免不了烙上了苏州的印记。
林语堂曾评论沈复的妻子芸娘为“文学史上最可爱的女人”,长洲(现苏州)人沈复写下《浮生六记》已是两百年前的事,自光绪四年(1878年)首次刊印,《浮生六记》百年来流传海内外,被誉为“晚清小红楼梦”。
作者:(清)沈复著 , 周公度译
出版社:浙江文艺出版社
出版年:2017
索书号:I264.9/129
在423阅读节这个特别的日子,喻老师的苏州话课堂,今天和大家聊聊书里的苏州,看看能找到多少现在的影子。
今天,喻老师还带来了一位新朋友——珍珍。
喻老师:各位朋友,大家好!唔(我)是喻老师,亦搭(又和)大家见面哉。今朝唔(我)还带仔一个学生子,俚匣(也)是伲苏州图书馆个员工——珍珍。
珍珍:大家好,唔(我)是贾珍。贾宝玉个贾,珍珠个珍。伲(我们)喻老师呢,匣(也)欢喜叫唔(我)珍珍该。挨呛(这阶段),唔(我)心里有点激动,啥体呢(为什么)?因为伲(我们)即将迎来4月23号阅读节。格么喻老师,倷(你)作为一名资深咯图书馆员工,阿有啥格(什么)好看咯书推荐拨(给)大家?
喻老师:今朝我有一本书要推荐拨大家《浮生六记》,珍珍,勿晓得倷(你)昂(有没有)读过?
珍珍:唔(我)大概晓得作者是清朝个文学家沈复,俚(他)咯一世啊,对名利是看的穷(非常)淡个,欢喜到处白相(玩),空下来么再写写么事(东西)。喻老师,唔(我)讲得阿对?
喻老师:对咯。挨(这)本书呢是沈复写拨(给)自家家主婆(老婆)芸娘个情书。俚笃(他们)俩家头是从小就认得咯,拿现在咯闲话来讲么叫“青梅竹马”。结婚过后,虽然生活平淡,但是因为俚笃(他们)有共同爱好,欢喜写写诗,画画图,所以日脚(日子)倒过的蛮开心。啥人晓得好景勿长(不长),突然屋里向(家里)经历仔变故,让俚笃(他们)格对(那对)活鸳鸯吃仔勿少(不少)苦头。最后么因为芸娘生病过世,沈复受仔穷(很)大个打击。匣就是勒(在)格段辰光,沈复完成仔《浮生六记》,用俚(他)自家个方式来表达对芸娘个牵记(想念)。
珍珍:哦,格么喻老师,我还想问问倷(你),沈复夫妻俩家头阿是就住勒(在)沧浪亭附近咯?
喻老师:对咯,书里向有一段提着过咯,一年中秋节,俚(他)搭仔(和)芸娘还有妹子,去过一趟隔壁个沧浪亭咯。书里向是格场写咯(书中是这样写的):“园中叠石成山,林木苍翠。沧浪亭在土山的顶部......河对岸名为近山林,是巡抚的宴客会友之地,当时正谊书院还没有修建”。
(中秋游沧浪亭)
珍珍:喻老师,听倷(你)讲得来我恨勿得(恨不得)马上就到沧浪亭去白相(玩)一圈。不过,我勒(在)倷(你)格段闲话里还捉牢仔(捕捉到)一个亮点。
喻老师:啥格亮点?
珍珍:“正谊书院”勿(不)就是伲(我)苏州图书馆个前身嘛?
喻老师:对咯,格么倷(你)阿晓得勒嗨(在)苏州第二图书馆还有一个复制个“正谊书院”呢?
珍珍:挨个(这个)我哪亨会勿晓得呢?勒嗨(在)伲(我们)苏州第二图书馆北楼浪向(上),有个文学馆。俚(它)就是还原仔苏州图书馆咯前身“正谊书院”,走到里向(里面),侪(都)是古色古香个腔调,小桥啊流水啊,赛过(就像)一只小小个园林,穷(非常)灵咯!除脱仔(除了)看风景,倷(你)还好勒(在)里向(里面)寻(找)着勿勿少少(很多)苏州咯作家搭仔(和)俚笃(他们)咯作品。对格种想了解苏州文化咯朋友,进去仔赛过老虫掉勒(掉在)米缸里哉。
(苏州第二图书馆中的文学馆)
喻老师:珍珍啊,倷(你)讲得来活轮活现(活灵活现),读者朋友听仔(听后),侪(都)想到苏州第二图书馆去打卡哉。不过,现在是疫情阶段,文学馆暂停开放,所以要请大家耐心等待。
珍珍:到辰光(时候)最好俚笃(你们)侪(都)来啘,伲(我们)肯定举双手欢迎!勒嗨(在)苏州第二图书馆,倷(你)勿仅仅(不仅)好看书,闻闻书香个苏州。还好了解新苏州老苏州个文化历史。
喻老师:广告打好伲(我们)挨堂课马上要结束哉。最后,唔(我)还有一个好消息告诉大家:从五月份开始,伲(我们)即将勒嗨(在)网浪(网上)推出一档全新咯苏州闲话活动,叫“珍享学苏州闲话”,到辰光(时候)有伲(我们)珍珍来主持网浪向(网上)格课堂。大家勿仅仅(不仅)可以听着苏州闲话,还可以从视频当中看见漂亮咯珍珍老师本人。希望大家可以像支持我一样来支持珍珍老师。喻老师呢,会的勒嗨(会在)苏州图书馆个课堂里继续陪伴大家。
珍珍:谢谢喻老师支持!
喻老师:今朝挨堂课呢要结束哉。各位朋友再会!
合:再会!
注解:赛过老虫掉勒米缸里(意思就是说像老鼠掉在了米缸里,形容开心的程度很深。)
敬请期待!
文案提供:借阅中心
编辑排版:研究咨询部